LAOAG CITY – Nagyaman ni Presidente Ferdinand Marcos Jr. iti publiko ken iti amin a nagbalin a paset iti balligi a pannakasayangkat ti 49th ASEAN Summit and Related Summits iti pagilian.

Binigbig ti Presidente dagiti ahensia ti gobierno, dagiti kameng ti seguridad, volunteers, media teams, ken dadduma pay a mangmangnged nga agtultuloy a nagtinnulong tapno masigurado ti naurnis a taray ti pangtitipon.

Binigbig na pay ti napateg a papel ti tunggal sektor iti panangpatalinaed ti kinaurnos, kinatalged ken nabara a panagawat kadagiti bimmista a lider ken delegado manipud iti nagduduma a pagilian.

Malaksid kadagiti nagtrabaho iti likudan ti summit, partikular a nagyaman ni Marcos dagiti umili a Pilipino a naapektaran ti inaldaw a trabaho ken biahe gaou kadagiti inpakita a panagsagsagana ken aktibidad.

Mainaig iti daytoy, binigbig ti Presidente ti inparangarang a pasensia, panagawat ken panagkaykaysa ti publiko iti pakabuklan a rehion a taripnong.

Inpaganetget ni Marcos a ti balligi a panag-host ti Pilipinas ket gapu iti panagkaykaysa ti gobierno ken ti tunggal Pilipino.