Dinayaw ni US President Donald Trump ni Presidente Ferdinand Marcos Jr. gapu iti nagballigi a hosting ti Pilipinas iti ASEAN Summit kabayatan ti naisayangkat a banquet dinner kadua dagiti dadduma a world leaders a nagatendar iti 49th ASEAN Summit.

Saan pay nailemmeng ni Trump ti panagdayaw na iti anak ni Marcos a ni Ilocos Norte Rep. Sandro Marcos a nangsabat kenkuna iti Villamor Airbase.

Inbatad ni Trump nga arig adda iti dara da a Marcos ti panagbalin a naballigi gapu ta naamammo ti US President iti personal ni dati a Presidente Ferdinand Marcos Sr.

Ginutigot ni Trump ni Marcos a tawagan wenno ipadanon kadakuada iti babaen ken ni US Secretary of State Marco Rubio no man adda kasapulan na.

Nagangaw pay daytoy nga ikkaten na ni Rubio no saan a mapansin ti kiddaw na.

Kabayatanna, mangisayangkat met ti bilateral meeting da Trump ken Marcos iti panagatendar da iti APEC Summit idiay China.