Inlawlawag ti aktres a ni Ellen Adarna a napinpintas no agtalinaed da nga agpagayam ken co-parents iti aktor a ni John Lloyd Cruz.
Inaramid daytoy n Ellen kalpasan nga adda dagiti netizens a nangipaay ti reaksyon na iti video ni John Lloyd ken ti anakda a ni Elias a naipost iti social media account na idi Nobyembre 13 ita a tawen.
Maysa kadagiti Instagram followers ni Ellen ti nangibaga a possible nga agsubli ti panagayat na ken ni John Lloyd.
Dagus met a rineplayan ni Ellen nga awan ti mabukbukel nga aniaman relasyon a nalablabes pay ngem agpagayaman ken co-parenting iti nagbaetan da iti aktor.
Inpetteng ni Ellen a nagtalinaed a napintas ti relasyon da ken ni John Lloyd uray nagsina dan gapu ta saan pulos a pinerperdi ti aktor.
Innayon ni Ellen a dakkel ti panagyaman na iti panagtalinaed da nga agpagayam iti aktor ken nagtalinaed a panangrespetar da iti tunggal maysa kabayatan ti panangpadakkel da iti anakda a ni Elias.












