LAOAG CITY – Napasamak ti maysa a self-vehicular traffic incident iti Brgy. 39 Pasiocan iti ili ti Bacarra.

Ti nasao nga insidente ket naikaramanan ti maysa a Honda Click a motor nga agmaris ti puraw a minaneho ti maysa a lalaki nga agtawen 28, awanan asawa ken residente iti ili ti Bacarra.

Basar iti imbestigasion nga insayangkat ti Bacarra Municipal Police Station, naamoan a napaspas ti taray ti motorsiklo ket apaman ti panagmaneho ti driver ket naawanan daytoy ti kontrol iti manibela a rason ti pannakaidungparna iti maysa a poste ti solar light.

Naitaray ti biktima iti Gov. Roque B. Ablan Memorial Hospital ngem apaman ti idadanon ti biktima iti nasao nga ospital ket ditoy a naideklrar a dead on arrival gapu iti nakaro a sinagabana nga injury iti ulona.

Kabayatanna, naammoan a maipagarup nga adda iti impluwensia ti nasanger ti biktima idi napasamak ti insidente.