Ikarkarigatan nga ileppas iti kabiitan a panawen ti Philippine Sports Commission (PSC) ken ti Philippine Amateur Baseball Association (PABA) ti renovation ti Rizal Memorial Baseball Stadium idiay Manila.

Ti venue, a nagay-ayaman da baseball legends Lou Gehrig ken Babe Ruth, ket manarimaan ti umuna a major renovation na kalpasan ti immuna a panaglukat na idi 1934.

Mainaig iti daytoy, nangipaay ni Philippine Sports Commission (PSC) Chief Patrick Gregorio ti updates iti renovation ti Rizal Memorial Baseball Stadium kabayatan ti memorandum of agreement signing ceremony iti baet ti FIFA, PSC and the Philippine Football Federation idi Nobiembre 15.

Inbatad na a 24/7 ti konstraksion ken kasapulan a malpas daytoy intono Nobiembre 30 gapu ta manamnama nga ag-host ti pagilian ti East Asia Baseball Cup.

Inpakaammo na a plano da nga imbitaran ni Presidente Ferdinand Marcos Jr. tapno isuna ti mangidaulo iti inagurasyon ti proyekto intono Disiembre 7, 2026.

Mainaig iti daytoy, inrakurak ti Philippine Sports Commission (PSC) Chief a manamnama a mai-upgrade ti grandstand no sadinno a kabaelan na ti mangakomodar ti 10,000 nga spectators, maikabil ti digital scoreboard ken mainstolar ti maysa nga all-weather artificial turf para iti international standards.

Iti pannakakompleto ti redevelopment, ti venue ket pakaangayan ti 15th East Asia Baseball Cup intono Disiembre 7 agingga 13 ken pakipasetan ti Pilipinas, Hong Kong, Thailand, Singapore, Vietnam ken Indonesia.