LAOAG CITY – Nagun-od ti maysa a babai idiay Hongkong ti Guinness World Records kalpasan a nakakolektar ti 2,882 Pikachu-themed items.
Ni Hailey Yun ti agdaman a makin-iggem ti opisial a titulo a “largest collection of Pikachu memorabilia.”
Rinugyan ni Hailey ti nagkoletar ti Pikachu memorabilia idi tawen 2013, idi panawen ti Pokémon XY anime, no sadinno a ti immuna a Pikachi item-na ket plush toy a regalo ti pamilya na.
Kadagupan kadagiti koleksion ni Hailey, ti kangrunaan a magusgustwan na kadagitoy ket ti Pokémon World Championships 2025 skateboard, a naalana iti nakipasetan na nga event idiay Anaheim, California, no sadinno nga addaan laeng ti 1,250 a pidaso iti intero a lubong.
Mainaig iti daytoy, umabot met iti sumurok-kumurang US$89,000 agingga US$117,000 ti balor dagiti Pikachu collection ni Hailey.












