LAOAG CITY – Inpakaammo ni Mr. Cristopher King Medina, mangidadaulo ti Persons with Disability Affairs Office ditoy siudad ti Laoag nga umabot iti 5 a porsiento ti diskuento dagiti addaan ti rangkap ti bagina kadagiti nagduduma a paggatangan ditoy siudad ti Laoag.

Inbatadna nga awtomatiko a madiskuentoan dagiti addaan ti rangkap ti bagina no mapan dagitoy ag-grocery ngem saan a maikkat ti value added tax iti pakabukelan a gatangenda.

Kinunana nga importante ti panangitugotda kadagiti booklet nga itited ti Persons with Disability Affairs Office a ditoy ti pagilistaanda ken pagibasaran dagiti paggatanganda kadagiti produkto a nagatangda no kasano kadakkel ti diskuento ken dagiti produkto a sakupen dagiti nasao a diskuento.

Innayonna a kasapolanda nga itugot dagiti booklet no kada agturongda nga aggatang gaputa saanda a maipaayan ti diskuento no awan dagitoy.