Manamnama ti maysa a back-to-back a panagbaba ti presio dagiti produkto a petrolyo ken liquefied petroleum gas (LPG) inton sumaruno a lawas.
Immunan a naipatungpal inton Domingo ti P2 kada kilo a rollback iti presio ti LPG a katukad ti pakabuklan a P22 a kissay iti tunggal gagangay nga 11-kilogram a tangke.
Sumaruno met ti panagbaba ti presio dagiti produkto a petrolyo inton dumteng ti Domingo no sadinno mapatta-patta a bumaba ti P2.67 iti kada litro ti diesel, P2.47 iti kada litro ti gasolina ken P1.88 iti kada litro ti kerosene basar iti Mean of Platts Singapore (MOPS) market.
Mabilang a ti agsaruno a panagbaba ti presio ket gapu iti nakapuy a demand ken agtalinaed a natibker ti suplay ti petrolyo iti world market.
Inlawlawag met ti industry ti langis a ti umuna a panangtingiting laeng dagitoy a numero iti petrolyo ken posible pay nga agbaliw depende iti iparuk-at nga abiso ti Department of Energy (DOE).











