LAOAG CITY – Saan nga ipaayan ti pondo ti Senado dagitiproyekto ti Department of Public Works and Highways (DPWH) nga awan ti umdas a pangibasaran wenno supporting documents.
Daytoy ti inpaganetget ni Senate President Sherwin Gatchalian mainaig ti ad-adda a naiget a panangtingiting ken panang-monitor ti Senado iti gakat a 2027 national budget.
Segun kenkuna, kasapulan nga agisumitir ti Department of Public Works and Highways (DPWH) ti lima a napapateg a dokumento kas pammaneknek a natingiting ken nakasagana nga ipatungpal dagiti proyekto a kidkiddawan ti pondo.
Pakairamanan kadagiti kasapulan a dokumento ket ti feasibility study, resolusion manipud iti local government unit (LGUs) ken technical description ti proyekto.
Inpetteng pay ni Gatchalian a no saan a makompleto dagiti kasapulan a dokumento, ikkaten dagiti nadakamat a proyekto iti gakat a national budget.
Innayon na a posible pay a maikonsiderar ti napapateg a proyekto no nakompleton ti Department of Public Works and Highways (DPWH) dagiti kasapulan a dokumento.
Nupay kasta, naikeddeng a rugyanan ti Senado ti plenary deliberations iti gakat a 2027 national budget inton Nobiembre 23.












