LAOAG CITY – Naaprobaran ti umuna a pannakaibasana iti DRAFT CITY ORDINANCE NO. 13SP-2026-194, maysa nga ordinansa a mangipaay iti honorarium kadagiti Pantawid Pamilyang Pilipino Program wenno 4Ps Parent Leaders ditoy siudad ti Laoag.
Inlawlawagna ni Konsehal Justine Chua, sponsor iti nadakamat nga ordinansa, nga agarup P300 iti maipaay kadagiti 4Ps Parent Leaders.
Kunana a daytoy a gatad ket usaren da no adda iti importante nga ilakad da kas kuma iti panagplete dagitoy nga agturong iti Laoag City Hall.
Mainaig iti daytoy, kinontra met iti konseho iti siudad babaen ken ni Atty Jason Perera iti gatad a maipaay kadagiti Parent Leaders.
Segun ken ni Perera a bassit ti gatad a P300 isu a pinagbalin da daytoy a P1000 tapno ad-adda a maiserbian dagitoy.
Kabayatanna, sinuportaran met daytoy dagiti miembro ti konseho ditoy suidad.












