LAOAG CITY –Kwinestionaran ni House lead prosecutor ken Batangas Rep. Gerville Luistro ti wagas ti panangisalakan wenno strategy ti kampo ni Vice President Sara Duterte iti impeachment trial.

Segun ken ni Luistro, saan a direkta a nasungbatan ti depensa ti alegasion mainaig iti P817.87 milyon a saan a mailawlawag a kinabaknang ti bise presidente.

Inbatad ni Luistro a possible a kurang iti abilidad ti defense team wenno narigat nga isalakan ti kaso.

Kwinestionaran na pay dagiti testigo nga indasar ti depensa gapu ta maipagarup a saan a direkto a sungsungbatan ti testimonia da ti kangrunaan nga alegasion.

Immunan a nangipila ti prosekusion dagiti record iti bangko, dokumento dagiti korporasyon ken panangtingiting kadagiti accountand kas ebidensia.