LAOAG CITY – Nakaawat ti nasurok a 300 a ribo a pisos ti Ilocos Norte Electric Cooperative a financial benefit manipod iti Energy Development Corporation (EDC) babaen ti Energy Regulations No. 1-94 para iti 3rd quarter ti calendar year 2026.
Gapu iti daytoy, napalaus ti panagyaman ni INEC General Manager Perry Martinez ken patien na a daytoy nga addang ket mangipakita ti natibker a talek ti Energy Development Corporation iti agdama nga administrasyon.
Segun iti kooperatiba, daytoy ti mangipakita ti commitment ti panangipasigurado na iti agtultuloy a pannakapasilaw dagiti nagduduma a lugar ditoy probinsia, a lugar ti maibilang a father of rural electrification a ni dati a Presidente Ferdinand E. Marcos Sr.
Ti Energy Regulations No. 1-94 ket programa ti Philippine Department of Energy (DOE) a mangi-require dagiti power generation companies ken energy resource developers a mangiburay ti financial benefits iti komunidad para iti pannakapasilaw dagiti nagduduma a lugar.












