LAOAG CITY – Nagpalagip ti Department of Health (DOH) iti publiko dagiti rumbeng nga aramiden tapno maliklikan dagiti sakit a gapu iti nakaro a pudot ti panawen iti tengnga ti agtultuloy nga epekto ti El Niño.

Basar iti ahensia, ngangatngato ti pangta ita agdama ti heat-related illnesses kas ti heat exhaustion ken heat stroke gapu iti nakaro a pudot ken nangato a temperature.

Gapu iti daytoy, binalakadan ti Department of Health ti amin a regular nga uminom ti umdas a danum iti inaldaw uray pay saan a makainom tapno mapagtalinaed nga hydrated ti bagi.

Innayon pay ti ahensia a kissayan ti panaginum dagiti inumen nga addaan ti caffeine ken nangato nga asukar, pakairamanan payen ti arak gapu ta posible ti ad-adda a alisto a dehydration iti bagi.

Inpaganetget ti Department of Heal a napateg ti naiget a pagan-annad ken panagsagana ti publiko tapno maprotehiran ti salun-at kabayatan a mapaspasaran ti nakaro a pudot gapu iti El Niño.