LAOAG CITY – Balligi a naisayangkat ti Taiwan government-to-government recruitment activity para iti kompanya nga I-MEI FOODS CO., LTD babaen ti panagkikinammayet ti gobierno probinsyal iti babaen ti Provincial Public Employment Service Office ken ti Department of Migrants Workers (DMW) a naisayangkat iti Dap-ayan Commercial Center ditoy probinsya.
Ti recruitment activity ket nakaipaay ti skilled Filipino workers nga addan ti access iti lehitimo nga Overseas Employment Opportunities iti nasao a kompanya iti Taiwan babaen iti natalged, transparent ken government facilitated recruitment process.
Daytoy nga inisiatiba ket ipasimudaagna ti agtultuloy a panangikomit ti gobierno probinsial iti panangitandudo iti accessible, safe ken disente a panggedan dagiti ilokano babaen iti pannakibinnulig da kadagiti recruitment partners da.
Ti Government to government activity ket mangted iti panggedan kadagiti agkalikagum nga agtrabaho iti ballasiw taaw no sadino a bababen ti panagkikinammayet ti nagduduma nga ahensia ket mapalawa dagiti pagtrabahoan ken pagbiagan dagiti ilokano.










