LAOAG CITY – Inpatungpal ti Iran ti rotational brownout iti intero a pagilian manipud ita nga aldaw, Nobiembre 22, kalpasan a nadadael ti maysa nga imprastratura ti kuryente ti Iran gapu iti agtultuloy a rinnupak idiay Middle East.

Segun iti mangidadaulo ti national electricity company ti Iran a ni Mohammad Allahdad, maipagarup a napilitan ti sektor a limitaran ti panagkonsumo ti kuryente gapu iti panagkurang ti suplay ti gasolina iti nasao a pagilian.

Inbatadna a manamnama nga agpaot iti dua nga oras iti tunggal dua nga aldaw dagiti outages depende iti lugar ken rehiyon.

Kabayatanna, naipatungpal ti rational brownout kalpasan ti nairekord a nagtipon a panagatake ti Estados Unidos ken Israeli iti imprastratura ti enerhiya ti pagilian a nangpakapsot iti suplay ti gasolina ti Iran.