LAOAG CITY – Agawiden ditoy Pilipinas intono Huebes, Nobiembre 26 dagiti 19 a Pilipino a tripulante ti limned nga LPG tanker ti MT Gas Husky kalpasan ti pannakalleppas dagiti kasapulan a travel documents-da.
Manarimaan nga agnanaed dagiti marino iti maysa a hotel iti Varna idiay Bulgaria kabayatan ti panagur-urayda iti flight-da.
Basar iti Department of Migrant Workers (DMW), adda iti natalged a kasasaad dagiti tripulante kabayatan ti panagpapaimbag dagiti dua a nasugatan kalpasan ti iruruarda iti ospital.
Kabayatanna, babaen iti tulong ti Department of Migrant Workers (DMW), Migrant Workers Office (MWO)-Budapest, Philippine Embassy iti Bucharest, akinkukua ti barko ken ti manning agency, naisaganan ti emergency travel documents ken ti repatriation assistance dagiti tripulante tapno masigurado ti natalged a panagsublida ditoy Pilipinas.












