LAOAG CITY – Naragsak nga inpakaammo ni Vice Mayor Rey Carlos Fariñas a plano ti Aboitiz Group a mangipatakder ti solar farm iti Brgy. Talingaan ditoy siudad ti Laoag.
Segun kenkuana, dumanon iti 114 nga ektaria ti kalawa ti pakaipasdekan ti solar farm.
Inbatadna a babaen iti daytoy a proyekto ti Aboitiz Group ket manamnama nga adu dagiti umili ditoy siudad ti matulunganna.
Kabayatanna, inrakurak daytoy ti Bise Mayor kabayatan ti Other Matters ti Sangguniang Panlungsod ditoy siudad ti Laoag.
