LAOAG CITY – Kinontra ni Atty. Israelito Torreon iti akusasion ti grupo a Karapatan a VIP treatment ken ni Pastor Apollo Quiboloy.
Daytoy ket kalpasan ti video message ni Quiboloy iti proclamation rally-na idi Pebrero 11.
Inbatad ni Torreon, adda ti pammalubos ti Pasig Regional Trial Court ti panag-record ni Quiboloy ti video message iti proclamation rally-na.
Inlawlawag ni Torreon a saan pay a convicted ti klientena ken akusado pay laeng daytoy.
Kunana kas maysa nga akusado, adda ti civil ken political rights ni Quiboloy no sadinno protektado isuna ti 1987 Constitution.
Kwinestionaran pay ni Torreon ti pannakapaay ti grupo a Karapatan nga agtignay kontra ken ni Congresswoman France Castro a convicted ti Regional Trial Court ti Davao Del Norte iti kaso a Child Abuse ken nawaya a nagpaidasig iti kina-Senador.
