LAOAG CITY – Naiget a naglikudan ni Senator Francis “Kiko” Pangilinan ti maipagarup a daytoy ti baro a kudeta iti liderato ti Senado, no sadinno nga inlawlawagna met nga awan interest-na nga agbalin a Senate President.
Iti maysa a social media post ti senador, inbatadna a kaykayatna a pokusan ti food security ngem iti makisali iti kompetision ti liderato iti Senado.
Rimuar ti rakurak kalpasan nga adda dagiti sumagmaano a senador a maipagrup nga aggargaraw tapno masukatan manen ni Senator Alan Peter Cayetano, sumangmamano nga aldaw kalpasan a daytoy ket naipatugaw kas Senate President a kasukat ni Senator Vicente Sotto III.
Segun iti rakurak, adda sumagmamano a sendor a saan nga umanamong iti panangidaulo ni Cayetano ken adda panagduduwa no kayana a pagmaysaen ti Senado iti sumagmamano a tawen a nabatbati iti administrasion ni Preidente Ferdinand ‘Bongbong’ Marcos Jr.
Immunan a naikkat ni Pangilinan kas chairperson ti Senate Committee on Agriculture, Food, and Agrarian Reform kageddan ti panagbaliw iti liderato ti Senado.
Kabayatannaa, nakumpleto ni Cayetano ti minimum a 13 a butos tapno agbalin a Senate President iti tulong suporta ni Senator Ronald dela Rosa a nagpakita iti Senado kalpasan ti innem a bulan a saan a simrek tapno makipaset iti butos para iti baro a liderato.
