LAOAG CITY – Nababilib dagiti online netizens iti maysa a video ti maysa a babai gapu iti arig main character ti acting-na daytoy kabayatan ti Rescue Olympics Drill.
Ni Godie Aguilar ket agtawen ti 47 ken maysa nga empleado iti Mayor’s Office iti ili ti Salug, Zamboanga del Norte ket nag-acting daytoy kas maysa a nagannak ti maysa a biktima no sadinno agladingit daytoy kabayatan ti manarimaan a panagangaw ti biktima.
Gapu iti daytoy, adda rimmuar a residente tapno ammoen ti kasasaad iti agladladingit a ni Aguilar no sadinno a rescue drill laeng ti mapaspasamak.
Basar iti mangidadaulo ti Municipal Disaster Risk Reduction and Management Office (MDRRMO) ti drill ket paset ti National Disaster’s Resilience Month ken pinilida ni Aguilar kas actor para iti drill.
Mainaig iti daytoy, saanda a ninamnama ti laing iti panagarte ni Aguilar.
Kuna dagiti online netizens a napabilibda ken arig kas pang-award ti panagartena.
Naammoan a ti panagarte ni Aguilar ket gapu ta panpanunutenna ti anakna a pimmusay gapu iti sakit.
