LAOAG CITY – Kinumpirmaran ni Barangay Kagawad Jay-Z Lagundino iti Barangay Pancian iti ili ti Pagudpud nga adda manen ti nagregreg a batbato ken daga manipud iti bantay iti paset ti Sitio Banquero.
Segun kenni Lagundino, gapo iti daytoy ket adda dagiti nastranted a sumagmamano a maotorista itay nasapa a paset ti bigat.
Inbatad na a dagus met a nagtignay dagiti maseknan nga adda iti lugar nangruna ket steady latta dagiti equipment ti Dept. of Public Works and Highways ken babaen ti tulong ti lokal a gobierno.
Kunana pay nga agtultuloy ti mapaspasaran da a tudo iti nadakamat a lugar.
Naamoan pay a nakanselar ti klase iti amin a level iti nadakamat nga ili.
