LAOAG CITY – Kinumpirmaran ni House Secretary General Reginald Velasco nga addan ti umdas a bilang dagiti agpanpanday linteg tapno ma-impeach ni Vice President Sara Duterte.
Segun ken ni Velasco nga iti agdama ket agtultuloy a ngumatngato ti bilang dagiti agpanpanday linteg a nagpirma tapno mapadisi ti Bise Presidente.
Immunan nga inbatad ni Velasco a kasapulan laeng ti 103 votes wenno 1/3 votes tapno agabante ti impeachment complaint ngem ita ket dumanonen iti 150 ken posible a dumanon pay daytoy iti 200.
Mainaig iti daytoy, inton alas tres ti malem ket pormalen nga irakurakna iti plenario seknan iti situasion iti tallo nga impeachment kontra ken ni Vice Pres. Sara.
Basar iti maysa a source a kongresista nga as of 12nn ket addan ti 140 ti bilang.
Naammoan a namnamaenda ti fast track process iti impeachment complaint.
Maipalagip nga itay bigat ket naiyuswat ti caucus nga inatendaran dagiti majority congressman.
