LAOAG CITY – Adda iti umiso a dana ti administrasion ni Presidente Ferdinand Marcos Jr. iti pannakaipatungpal ti Philippine Development Plan 2023-2028.
Segun ken ni National Economic and Development Authority (NEDA) Secretary Arsenio Balisacan nupay adda dagiti sumagmamano nga isyu a nakita iti Philippine Development Plan ket manarimaanen a solsolbaren ti gobierno
Inbatadna a masapol nga ikorehir dagitoy tapno maipasigurado nga iti panagleppas ti administrasion ni Pres. Marcos ket magun-od ti gagem kangrunaanna iti naikari a maipababa ti single-digit level ti kinarigat iti panagbiag.
Kunana a paset daytoy ti Philippine Development Plan a mangipasigurado a ti trabaho para kadagiti gagangay a Pilipino ket addaan ti nangato a kalidad.
Innayon ni Balisacan a ti panagdur-as kadagiti ili ken rehion iti intero a lubong ket napateg nga aspeto ti inklusibo a panagdur-as paglago.
