LAOAG CITY – Umabot iti 600 agingga iti 700 a pasaheros ti agsangpet ditoy probinsya partikular iti ilugugan ti Florida Bus.
Segun kenni Mr. JC Baddu, ti Dispatcher Inspector iti nasao a Terminal ditoy ciudad ti Laoag, adda met ti makaanay a bilang ti bus nga agbibyahe ken kanayon a mapunno dagitoy.
Kunana nga ikarkarigatan da met nga okumudaren amin a pasaheros nangruna dagiti nagsangpet ita nga aldaw para iti All Saints ken All Souls Day.
Naamoan a kaadoan kadagiti pasaheros ket manipud idiay Metro Manila nga agawid iti probinsya.
Inbatad na a dakkel pay a tulong iti panaglukaten ti kalsada iti ili ti Pagudpud gapo ta iti kallabes ket agrikos da iti Nueva Ecija.
Dinakamat na nga agtultuloy met ti operasyon ti nasao a bus ken manarimaan ti panagawat da kadagiti agpareserba iti panagsubli da iti Metro Manila.
