LAOAG CITY – Naruay a taga probinsya ti agsangpet paylaeng a naggapu idiay Metro Manila ti makipagngilin iti Semana Santa.
Iti nakalap nga impormasyon ti Bombo Radyo Laoag, agtultuloy ti panagsangpet dagiti kaprobinsyaan tapno agbakasyon ita nga Holy Week.
Nupay kasta, sumagmamano laeng dagiti pasahero nga agturong idiay Metro Manila.
Agpatingga ti operasyon ti Florida bus lines ditoy probinsya iti aldaw ti Huwebes Santo idinto a maisubli ti operasyon iti agsapa ti Sabado Gloria.
Saan met a masinunuo dagiti sumagmamano pay nga bus lines ditoy probinsya no agbiahe da iti kaaldawan ti Semana Santa.
