LAOAG CITY – Kiniddaw ni Senador Joel Villanueva iti gobierno nga aramiden nga ad-adda a konkreto dagiti tignay iti panangsolbar iti krisis para kadagiti amin a mangmangged a Pilipino.
Inpettengna nga iti Labor Day ket saan nga umdas ti panangbigbig laeng iti sakripisio dagiti mangmangged pakairamanan dagiti Overseas Filipino Workers no diket ad-adda a kasapulan ti nalawag ken konkreto a tignay manipud iti gobierno.
Partikular a nagpanawagan ti senador iti Departmet of Labor and Employment a palawaen ken papigsaen dagiti programa kas ti Special Program for Employment of Students (SPES) ken Tulong Panghanapbuhay sa Ating Disadvantaged/Displaced Workers (TUPAD) no sadinno a gagem a manayonan pay ti bilang dagiti benepisiario ken aramiden nga ad-adda nga adda ti pakaipapanan ti proyekto.
Naammoan a dagiti programa para iti KADIWA ken Diskwento Caravan ket nakiddaw a pagbalinen nga accessible kadagiti komunidad tapno ad-adu ti mabenepisiaran.
Kalikagum pay ni Villanueva a matulungan dagiti Micro, Small and Medium Enterprises wenno dagiti babassit a negosio iti babaen ti wage subsidy ti Department of Labor and Employment Adjustment Measures Program tapno ad-adda a matulungan a mapagtalinaed a nakalukat dagiti negosio ken mapagtalinaed dagiti trabaho dagiti umili iti baet dagiti karit ita a krisis iti pagilian.
