LAOAG CITY – Sinaludsod ni Sen. Joel Villanueva ni dati a Chief Justice Artemio Panganiban no mabalin latta nga agbotos wenno makipagpaset iti Senate proceedings ti maysa nga agpanpanday linteg ‘legally detained’ wenno nakabalud.
Insungbat ti dati a kangatoan a mahistrado, masapol a personal a makipagpaset ti maysa a senador iti proceedings kas ti impeachment trial, tapno mawayaan daytoy nga agbotos wenno agdesision iti maysa nga isyu.
Mainaig iti daytoy, inladwan ni Panganiban ti dua nga agkabsat nga agsinsinnungbat no sadinno ket kalikagum dagiti nagannakda nga amoen no siasinno kadagiti dua nga agkabsat ti rason ti panagapada.
Segun kenkuana kas iti Senate proceedings, masapol a personal a maimatangan, mangngegan ken masaludsod dagiti nagannak dagiti annakda tapno maurnos ken maamoan ti situasion wenno no siasinno kadakuada ti agibagbga ti ususto.
