LAOAG CITY – Balligi a naarestar dagiti dua nga ag live in partner iti Barangay 55-B Salet Bulangon iti siudad ti Laoag kalpasan ti maysa a buy-bust operation.
Ti nadakamat nga Buy-bust operation ket naiwayat babaen iti panagbibinnulig ti Philippine National Police Laoag, Provincial Drug Enforcement Unit ken ti Philippine Drug Enforcement Agency.
Basar kadagiti otoridad ket dagiti suspek ket maysa a lalaki nga agtawen ti 54, addaan ti live in partner, maysa a tricycle driver ken maysa a babai nga agtawen ti 52, addaan ti live in partner ken residente ti nadakamat met laeng a lugar a nakatiliwanda.
Segun kadagiti otoridad ket bayat ti pannakaiwayat ti operasion ket nakumpiskar iti maysa a piddaso ti heat-sealed transparent sachet a maipagarup naglaunan ti shabu a mailako kadagiti nagpammarang a pusher buyer iti kameng ti pulisya.
Karaman pay a nakumpiskar manipud kadagiti suspek ket dagiti innem a heat-sealed transparent sachet nga naglaon ti maipagarup a shabu, maysa nga unit a cellphone, brown a wallet nga naglaonan ti driver’s license, resibo, 1,000 peso bill a nausar kas buy-bust money, P1008 a personal a kuarta ti suspek, maysa nga tricycle, sling bag, cellular phone ken lighter.
iti agdama, manarimaanen nga adda dagiti suspek iti kustodia ti Philippine National Police iti Siudad ti Laoag para iti pannakaipila ti kaso a panaglabsing iti Republic Act No. 9165 wenno Comprehensive Dangerous Drug Act of 2002 kontra kadakuada.
