LAOAG CITY – Kinumpirmaran ni Engr. Ma. Venus Torio, District Engr. iti 1st Engineering District iti DPWH ditoy probinsya nga inikkat da ti agarop 200 a job order ken contractual nga empleado da.
Daytoy ket gapu ta awan iti pagpasweldo da kalpasan a saan a pinirmaan ni Presidente Rodrigo Duterte ti 2019 national budget.
Inbatad ni Torio a dagiti dadduma a distrito ket idi pay enero a nagikkat da kadagiti job order ken contractual nga empleado da idinto nga isuda ket ita laeng a bolan gapu ta inpamuspusan na paylaeng iti inpasweldo da agingga iti katapusan ti pebrero ita a tawen.
Innayon na a nagturong metten iti central office ken inpakaammo na ti mapaspasamak iti idistroan na ken ti panagikkat da kadagiti agarop 200 a job order ken contractual nga empleado da.
Inpakaammo ni Torio a nagkari met ti central office iti DPWH a tumulong iti operational expenses da tapno adda ti usaren da.
