LAOAG CITY – Nakapagrehistro iti agarup 4,062 a baro a botante ditoy siudad ti Laoag.
Inpakaammo ni Atty. Julius Balbas, mangidadaulo iti Commission on Elections (COMELEC) Laoag a kaadoan dagiti bilang ket 1st time voters wenno dagiti Sangguniang Kabataan (SK) nga umabot ti 2,000.
Kunana nga iti ado a bilang ket gapu iti panagsursorda kadagiti nagduduma a pagadalan.
Innayonna nga agtultuloy ti preparation-da para iti Barangay and Sangguniang Kabataan Elections in the Philippines (BSKE) a maangay inton Nobiembre 2.
Kabayatanna, kunana nga apaman nga agngudo ti bulan iti Hulio ket mangrugidan iti panag-recruit kadagiti maestra nga agserbis kas board of canvasser ken ti pannakangay ti Election Board Hearing tapno maiplastar a nasayaat ti listaan dagiti agbutos para iti Barangay and Sangguniang Kabataan Elections in the Philippines (BSKE).
