LAOAG CITY – Inlawlawag ni Barangay Chairman Manuel Cadiente iti Barangay Bani iti ili ti Bacarra a sipud simmangpet da IN-C472
Ken IN-C473 ket saan da a rimrimwar iti pagtaengan da.
Da IN-C472 ken IN-C473 ket agasawa a Returning Overseas Filipinos ken naggapo da idiay California, USA.
Segun kenni Cadiente, simmanget dagitoy idi Disyembre 13 ken naghome quarantine da gapo ta awan met ti kadwa da iti pagtaengan da ken naiget a nabantayan.
Kunana a dimmalan iti swab test dagiti agasawa idi Disyembre 21 ken idi kalman ken rimwar ti resulta a positibo da iti virus.
Mainaig iti daytoy, kuna ni Cadiente nga awan met ti nailockdown iti barangay da.
