LAOAG CITY – Inbatad ni Undersecretary ti Department of Health Dr Enrique Tayag nga umub-ubing dagiti agbalbalin a biktima ti cancer ditoy pagilyan.
Rakurak na daytoy kalpasan nga adda ti indibidual nga agtawen ti 45 a dimmalan iti cancer screening bayat ti selebrasyon ti 55th founding anniversary ti Mariano Marcos Memorial Hospital and Medical Center iti ciudad ti Batac.
Segun kenni Tayag, agtawen ti 31 agingga iti 40 dagiti madukduktalan nga agsagsagaba ti cancer ditoy Pilipinas.
Naamoan a ti buan ti Marso ti pannakaobserbar ti Colon Cancer Awareness Month ken idi bulan ti Pebrero ti Cncer Awareness Month.
Mainaig iti daytoy, inrakurak na nga awan ti madi no agkalikagom dagiti residente a dumalan iti cancer screening iti Mariano Marcos Memorial Hospital and Medical Center gapo ta patien na a ti early detection ken ti prevention ti napinpintas a wagas tapno maliklikan a maadaan ti cancer.
Innayon na a no ti maysa nga indibidwal ket saan a mahilig a mangan ti natnateng ket prutas, kurang ti ehersisyo, adsa ti bisyo na, ken sabali ti kolor ti rugit ti tao ket agturong iti ospital ken dumakan iti screening.
Kunana a naamoan na pay nga adda ti plano ti ospital a mangpalawa kadagiti serbisyo a mabalin a magundawayan dagiti tattao ken tapno masolusyonan ti cancer.
Maipalagip nga idi laeng kalman, ada dagiti nagduduma a station a naestablisar iti Mariano marcos memorial hospital and medical center a prostate cancer screening, cervical cancer screening, lung cancer, colon cancer screening ken liver cancer screening a mabalin a pagpascreenan dagiti kakailian.
