LAOAG CITY – Nagasat dagiti agina iti ili ti Dingras gapu ta nakalasat da kalpasan a napug-awan da iti kimat.
Nabigbig dagiti agina a da Love Joy Valendia, addaan iti umno a tawen, addaan iti live-in ken ti balasang na a ni Cailei Valendia, agtawen iti lima, agpada a residente iti Bgy. Francisco iti nasao nga ili.
Segun ken ni P/Supt. Relly Arnedo, Hepe ti Pulisya iti nasao nga ili, mapan koma itulnog ti ina ti anak na a mapan agbasa.
Nakalugan da iti motorsiklo ngem iti dayta a kanito ket manarimaan ti panagkimat ken panaggurrood.
Idi ta bigla a napug-awan da kageddan iti paannakauram ti paset ti motorsiklo a nagluganan da ken idiay a nakitadan nga adda metten sugsugat da.
Naitaray nga insigida dagiti agina iti Dingras District Hospital ngem naiyakar da iti Mariano Marcos Memorial Hospital and Medical Center iti ciudad ti Batac para iti nan-anay a panakataming da.
