LAOAG CITY – Nangrugin ti Agriculture and Fishery Sector Week ditoy ciudad ti Laoag.
Segun kenni Eng. Shiela Opelac, ti mangidadsulo iti City Agriculture Office ditoy ciudad, ti Agriculture and Fishery Sector Week ket pannakabigbig kadagiti mannalon ken mangngalap iti panagrang-ay ti ekonomia iti ciuad ti Laoag.
Inbatad na a babaen iti daytoy ket makita ken mapaneknekan ti nakapatpateg a kontribusion da ti biag ti tunggal Laoagueños.
Mainaig iti daytoy, kuna ni Opelac a naruay dagiti aktibidad a mabalin a pakipasetan dagiti mannalon ken mangalap ditoy ciudad .
Kunana nga agtultuloy ti suporta ken tulong ti gobierno siudad babaen iti administrasion ni Mayor James Bryan Alcid iti benneg ti agrikultura, kas koma ti pannakaipaay dagiti kasapulan dagiti mannalon ken mangngalap.
