LAOAG CITY –Inpakaammo ni Ilocos Norte Liga ng mga Barangay Federated President Ryan John Pascua a ti napagnunumoanda a mabenepisiaran ita a tawen ket dagiti naruay nga aglaklako ti Batac City Public Market a naapektaran iti napasamak nga uram iti kallabes.
Nupay kasta, inbatadna nga iyur-urayda ti panangipakaammo kadakuada ni Liga ng mga Barangay Federated President Gilbert Medina iti siudad ti Batac no mano dagiti aglaklako a naapektaran a mabalinda a tulungan.
Kunana nga apaman a maammoanda ti bilang dagiti mabalin a tulungan ti grupoda ket isarunoda nga iplastar no mano ti mabalinda nga iyalokar a pundo ti Liga.
Innayon ni Pascua a kalpasan iti daytoy ket pagnunumoanda no ania ti mabalinda nga itulong kadagiti maseknan.
