LAOAG CITY – Maysa nga agtutubo manipud idiay Kentucky, U.S.A. ti nangipakita ti kinalaingna iti “15 puzzle” kalpasan a nakagun-od ti baro a Guinness World Record iti babaen tu panag-solve ti sangapulo a puzzle iti uneg laeng ti 1 minute ken 16.13 seconds.
Ni John Bradley, maysa a senior high school student iti Sayre School ket nangrugi ti hiligna iti 15 puzzle idi adda pay laeng isuna iti middle school.
Ti 15 puzzle wenno “Klotski” ket maysa a puzzle nga addaan dagiti sliding tile manipud iti 1 agingga iti 15, ken gagem ti umaayam nga urnosen dagitoy iti umiso a panagsasaruno.
Nangrugi ni Bradley iti digital a bersion ti puzzle a naka-install kadagiti computer iti pagadalan.
Kabayatan a bumaybayag, naasa ti kabaelanna ken makipaset pay kadagiti kompetision kas maysa nga “speedslider.”
