LAOAG CITY – Ginasut a ribo a mangmangged iti Iran ti napukawan ti trabaho gapu iti agtultuloy gubat iti nagbaetan da iti Estados Unidos ken Israel a nangrugi idi Pebrero 28, 2026.
Nangitunda ti krisis ti nalawa a panagsardeng ti operasyon kadagiti kangrunaan nga industriya, panagbagsak ti ekonomiya, ken nakaro a rigat kahirapan para kadagiti ordinaryo nga Iranian.
Naruay a pabrika, workshops, ken service projects ti nagserra wenno nagkissay ti operasyon, a nagresulta iti pannakaikkat dagiti contract worker ken day laborer.
Naamoan a dagiti kangrunaan a sektor ti ekonomiya ti Iran, ket ti petrochemical plants iti Mahshahr ken South Pars, karaman dagiti pasilidad ti landok, ket mapaspasar ti nakaro a perdisyon wenno panagsardeng ti produksyon gapu kadagiti airstrike, no sadinno a nasurok a 30,000 nga empleyado iti industriya ti petrochemical ti apektado.
Gapu pay kadagiti panagpaiget iti internet wenno internet blackout a naipatungpal sipud pay idi Pebrero 28 ti agdama a tawen ket rinibo a freelancer, programmer, ken content producer ti napukawan ti agtrabaho.
Mainaig iti daytoy, ti gubat ket nangitunda ti panagbagsak ti produksyon ken namnamaen a bumagsak ti ekonomiya ti nasurok a 10%.
