LAOAG CITY – Maysa nga agtawen ti 14 a math prodigy idiay India ti nakagun-od ti innem a Guinness World Records iti uneg ti maysa nga aldaw.
Ni Aaryan Shukla ti Maharashtra ket immunan a nakagun-od ti Guinness World Records idi 2024 kalpasan a naalana ti rekord para iti “fastest time to mentally add 50 five-digit numbers” iti maysa a TV show idiay Italy.
Idiay Dubai, nanayonan pay dagiti titulona kalpasan a na-break dagiti world record title a “fastest time to mentally add 100 four-digit numbers, 200 four-digit numbers, 50 five-digit numbers” pakairamanan ti “fastest time to mentally divide a 20-digit number by a ten-digit number’ ken ‘multiply two five-digit ken two eight-digit numbers”.
Gapu iti daytoy, nabirngasan isuna kas “Human Calculator” ti Guinness World Records.
Inbatad ni Aaryan, nagbalin a nasirib isuna iti math gapu inaldaw nga agsansanay daytoy ti lima agingga iti innem nga oras.
Naammoan a masdaaw pay ti bukudna a pamilia gapu iti kinalaingna iti math.
