LAOAG CITY – Maysa nga agtawen ti 18 a lalaki idiay India ti napadayawan nga addaan ti “Hairiest Hair on a Person” iti intero a lubong kalpasan a kinumpirmaran ti Guinness World Records nga addaan daytoy ti 201.72 fiber ti buok iti kada maysa nga square centimeter iti rupana.
Ni Lalit Patidar ket addaan ti kondision a maaw-awagan ti hypertrichosis wenno ad-adda nga am-ammo iti “werewolf syndrome.”
Naammoan a manmano laeng iti nasao a kondision a maibagbaga a mapasar laeng ti maysa a tao tunggal maysa a bilyon a tao.
Iti pakasaritaan, mapatta-patta a 50 a tattao laeng ti nairekord sipod pay idi Middle Ages.
Adda ti sumurok 90 a porsiento ti rupa ni Patidar ket maab-abbungan ti buok sipod pay idi ubing daytoy.
Gapu iti daytoy, nakapasar isuna idi ti manipud kadagiti kaklasena ngem saan a nagbayag ket inakseptarna ti situasionna.
