LAOAG CITY – Nakastreken iti semifinals ti Miami Open ni Pinay tennis sensation Alex Eala.
Daytoy ket kalpasan nga inabakna ni WTA world number 2 Iga Swiatek iti iskor a 6-2; 7-5.
Iti umuna a set pay laeng ket nagbalinen nga agresibo ni Eala ken naliklikanna ti aniaman nga error.
Sumaruno a makabinnalubal ni Eala ti asinoman a mangabak iti nagbaetan da Emma Raducanu ti United Kingdom ken Jessica Pegula ti Estados Unidos.
