LAOAG CITY – Inpakita latta ni Filipina tennis player star Alexandra Eala ti kinalaingna ken kinatibker ti pakinakemna sakbay a naan-anay a naabak kontra ken ni world No. 2 Elena Rybakina iti Round of 32 ti Italian Open a naisayangkat idiay Rome, Italy.
Naglippas ti laban iti score a 6-4, 6-3 pabor ken ni Rybakina ngem limmaban latta ni Eala ken sumagmamano a daras nga inpakitana ti kinalaingna kontra kadagiti nangatngato ti ranggona a kalaban.
Iti baet ti nagbalin a narigat nga ay-ayam, naaramid ni Eala nga ikkan ti danag ti second-seeded player sakbay a naala ni Rybakina ti kontrol ti ay-ayam ken makastrek iti Round of 16.
