LAOAG CITY – Agbinnalubal dagiti dua nga agkapagayam a da Alexandra Eala ken Iva Jovic iti third round ti US Open inton bigat (New York Time).
Maipalagip nga idi laeng kallabes ket nagbinnalubal da Iva Jovic ken Alex Eala iti Stars of the Open exhibition clash.
Ti World No. 14 a ni Iva Jovic ket inurayna ni Filipina tennis ace iti third round kalpasan ti dominante a panangabakna kontra ken ni Francesca Jones iti iskor a 6-4, 6-4.
Mainaig tii daytoy, saan a daytoy ti umuna a daras nga aglaban dagiti dua, immunan iti daytoy, inabak ni Jovic ni Eala iti namin-dua a daras iti WTA ita laeng a tawen, malaksid iti daytoy, inabakna pay ni Eala iti French Open ken HSBC Championships no sadinno ket saan pulos a naka-iskor ni Eala iti set manipud kadagitoy.
Kabayatanna, nakastrek ni Eala iti third round kalpasan ti pannakangabakna kontra ken ni Oleksandra Olinykova iti iskor a 6-1, 6-4, no sadinno ket maysa laengen a victory tapno makastrek ni Eala iti fourth round ken kangatoan a pakagun-odanna iti Grand Slam result, malaksid iti Wimbledon tournament.
