LAOAG CITY – Nabara a napasangbay ditoy pagilian ti panagsubli ni Alex Eala kalpasan ti historic Wimbledon run campaign-na no sadinno a maragsakan dagiti fans a mangselebrar kadaytoy a kaduada ti Filipina tennis star.
Simmangpet ditoy pagilian ti agtawen 21 a Filipina tennis star iti Ninoy Aquino International Airport ita nga aldaw, Domingo, Hulio 12.
Sinabat daytoy ni Philippine Olympic Committee (POC) president Abraham “Bambol” Tolentino, Philippine Sports Commission (PSC) chairman Patrick “Pato” Gregorio, ken Philippine Tennis Association (Philta) secretary general John Rey Tiangco.
Agtalinaed ni Eala ditoy pagilian iti sumagmamano nga aldaw no sadinno nga agatendar daytoy iti sumagmamano a homecoming events a pakairamanan ti media engagements ken fan meets sakbay nga agsubli iti tour-na.
