LAOAG CITY – Naragsak ni Pinay tennis star Alex Eala ti pannakairamanna iti wild card ti Miami Open.
Daytoy ket kalpasan a maysa ti agtawen ti 19 a Pinay tennis sensation kadagiti pito a wildcards iti main draw ti napili ti Women’s Tennis Association (WTA).
Mangrugi ti nasao a torneo inton Marso 18 iti Hardrock Stadium idiay Miami, Florida.
Ni Eala nga agdama nga adda iti world number 140 iti WTA ranking ken nagbalin a junior doubles champion iti Australian Open ken French Open pakairamanan ti junior singles titlist iti US Open.
Inpasingked ni Eala nga aramidenna ti amin a kabaelanna tapno makasubbot iti napaay a torneo a nakipasetanna ita a tawen.
