LAOAG CITY – Balligi a nakastrek iti Round of 16 ti Winbledon ni Pinay tennis star Alex Eala kalpasan ti panangabakna kontra iti defending champion ken World number 3 lga Swiatek iti 3rd round.
Naala ni Pinay tennis star ti iskor a 7-6 ken 6-2.
Iti first round ket narigatn ni Eala kalpasan ti inpakita ni Swiatek a dominante a laban.
Kabayatanna, bayat iti panagserrek ti maikadua a round ket bimmawi ti Pinay tennis star iti labanda.
Daytoyen ti maika-tallo a panagbinnalubal dagiti dua no sadinno ket immabanten ni Eala 2-1.
Maipalagip nga immuna a nangabak ni Eala iti hard court, ngem inabak ti Polish tennis star ni Eala iti maikadua a labanda iti clay court, ngem pinaneknekan ni Eala a nalalaing daytoy a rason nga inabakna manen ti Polish star iti grass court a naudi a naglabananda.
Iti agdama, ni Eala pay laeng ti umuna a Filipino a nakadanon ti maika-uppat a round ti Grand Slam.
