LAOAG CITY – Adda ti dua a torneo a sagsaganaanen ni Pinay tennis star Alex Eala.
Naikeddeng daytoy a sumabak iti Italian Open a mangrugi inton Mayo 6 agingga iti 18 idiay Rome.
Ti nasao a torneo ket kas paset ti panagsagsaganana iti French Open.
Naammoan a kas paset ti panagsagsaganana ket simmanod daytoy iti pannakipaset iti Catalonia Open idiay Spain nga aglippas inton Mayo 3.
Maipalagip nga adda iti ranked number 72 ni Eala ti Women’s Tennis Association (WTA) kalpasan a nakastrek daytoy iti semifinals ti Miami Open.
