LAOAG CITY – Inyangaw ti aktres a ni Alexa Miro nga arigna nagbalin a prank laeng ti naudi a kapadasan na iti lovelife na.
Nupay kasta, kuna na nga ado dagiti nasursuro na manipod iti naudi a relasyon na, no sadinno a kasapulan paylaeng nga agmauyong sakbay a masursuro daytoy.
Inbatad na a ti kangrunaan a nasursuro na iti napalabas a lovelife na ket ti ad-adda a naam-ammo na ti bukodna a bagi.
Innayon na a nasursuro na a masapol nga uray kasanu ti kangato wenno kalawa ti pagturungan ket rebbeng a saan a liplipatan ti bagi wenno ti kinatao.
Inpalagip ni Alexa nga alisto ti pumangato ngem no matnag gapu ta malipatan ti kinasiasinno ket narigat ton a makabangon pay.
Mainaig iti daytoy, inpakaammo ni Alexa a dakkel a tulong ti pamilya ken dagiti tattao a nasinged kenkuana iti panagrekobre na manipod iti nagdalanan na a pannubok manipod iti lovelife na iti kallabes.
Kuna na a sumagmamano a bolan a nagtalinaed iti probinsya ken saan a rimrimuar kabayatan ti panagrekobre na.
Maipalagip a ti maipagarop a naudi a nakarelasyon ni Alexa ket ni Ilocos Norte Representative Sandro Marcos,.
Iti agdama, inpasingked ni Alexa a naan-anayen a nakalipat ken nagsublin iti trabaho na.
