LAOAG CITY – Inrakurak ti US nga adda ti nadagsen a pannusa nga ipataw na kontra iti Russia.
Daytoy ket kalpasan ti saan a panagbalin a seryoso ni Russian President Vladimir Putin iti peacetalk tapno malpasen ti gubat iti Ukraine.
Inbatad ni US treasury chief Scott Bessent a ti sanctions ket gapo ta napalaos ti pannakadismaya ni US President Donald Trump kalpasan a nagkedked ni Putin iti sabali a saritaan da kuma idiay Hungary.
Mismo a ni Trump ti mangirakurak to no ania a klase ti pannusa ti ipataw da iti Russia.
Nupay kasta, adda dagiti impormasyon a dagiti dua a dadakkel nga oil companies idiay Russia ti target a mapatawan ti pannusa tapno ma-pressure a mangileppas iti gubat.
Maipalagip a gapo iti kaudian a panangatake ti Russia iti Ukraine ket pito dagiti natay pakairamanan ti dua nga ubbing.
