LAOAG CITY – Pormalen a naideklara ti panangrugi ti Amihan Season wenno ti iseserrek ti Northeast Monsoon.
Maipalagip a naisardeng laeng ti Habagat Season wenno Southwest Monsoon idi napan a lawas, gapu iti panagkapuy ti angin nga aggapu iti makimbaba a paset ti West Philippine Sea.
Segun iti ahensia, ti iseserrek ti Amihan ket mangipasimudaag met iti in-inut a panaglamiis ti angin.
Ti Amihan ket naggapu idiay China ken Siberia, no sadino mangitunda daytoy iti nababa a temperatura, agraman ti pannakarunaw ti niebe kadagiti nasao a lugar.
Basbassit ti bilang dagiti bagyo bayat daytoy a panawen, ngem no maporma ti maysa, napigpigsa daytoy ngem kadagiti gagangay a bulan.
Manamnama nga agpaut ti nalamiis nga angin agingga iti umuna a paset ti tawen 2024.
