LAOAG CITY – Adda iti pannakabalbaliw iti schedule iti pannakaibunong iti fuel subsidy kadagiti transport group ditoy ciudad ti Laoag.
Segun kenni Mayor James Bryan Alcid, iti koma pay kallabes a naibunong ti fuel subsidy kadagiti maseknan ngem adda ti nagbalin a singasing dagiti dadduma gapu ta saan nga agpapada iti presio dagiti produkto a petrolyo iti agdama.
Inlawlawag na nga stab kuma ti maibunong kadagitoy tapno masigurado a naimbag nga igatang da iti gasolina ngem gapu ta saan met pay nga agpapada iti presio ti produkto ket ikonkonsiderar da no possible a cash ti maited kadakuada.
Inbatad na nga ita a lawas ket manamanam nga isu iti pannakaipaay ti fuel subsidy kadagiti transport group pakairamanan dagiti mannalon ken mangngalap ditoy ciudad ti Laoag.
Inpasingked ni Mayor Alcid ti agtultuloy a panangkita da kadagiti wagas a mabalin pay a makatulong kadagiti transport group malaksid laeng kadagiti assistance wenno fuel subsidy.
